أحب اعرفكم بنفسى ، انا سوســـــه الدقرمه ، اتخلقت كده معرفش اغير من نفسى ، أنا كده وهافضل طول عمرى كده ، ملياش لسه اصحاب ،
المهم
كنت النهارده فى مطار القاهره الدولى وبحاستى الخمستاشر ، عرفت ان فى حاجه
قال ايه وزير الطيران استقال ( طبعا هو مستقالش ولا حاجه )،دا كان مجرد حلم ، اصلى نفسى لما حد يغلط يعترف او يسيب موقعه زى مابيحصل فى الدول الاوربيه اللى مش بنقلدها غير فى الموضه والكلام لكن فعل الحاجات الكويسه ، ابدا والف ابد ،الله أمال ايه اللى بنشوفه ونسمعه الدنيا مقلوبه فى فرنسا وتحقيقات على أعلى مستوى والمجتمع الفرنسى حزين وعايش مأساه
ليه بقه
علشان شاب مصرى عمره 17 سنه ، دفع فلوس لسماسره الموت ، وهربوه فى التجويف اللى بيدخل فى عجل الطياره وسافر من مصر لفرنسا ، ودرجه الحراره فى طبقات الجو العليا 60 تحت الصفر،
الشاب ده اول ما الطياره وصلت وقبل ماتوصل للمطار، وقع على أحد البيوت وجثته ممزقه ، طيب هما بيحققوا فى فرنسا وعايزين يعرفوا مين السبب
انا بأسأل ، هو ازاى دخل صاله المطار؟؟
قمه الاهمال
قمه الفساد
احنا رايحين فين بعد كده ؟؟؟
مش عارفه
لأنها فعلا بقت فوضى
وبحاستى معرفش الكام عرفت مين السبب فى الحادث المأساوى ده
عارفين مين السبب ؟؟؟؟؟
الهوا اصله كان ساقعه قووووووووووووووووى
ياريت وزير الطيران يقول لنا ايه رأيه فى الحادث ده
وليه مطار القاهره الدولى الأمور فيه كأن شيئا لم يكن
ولا برده علشان الهوا هو السبب
سوســــــــــــــــــــــــــــــه
أضف تعليقا
من مصر
كاظم بتاع الشيشه
نجيبها من الاخر انا كى جى وان جيران مش سنه اولى هههههههههههه
وبعدين انت مش عارف ان الشيشه بتلوث البيئه ولا انت من مؤيدى خرم الاوزون
قولى قولى سرك فى بير اصحابى مش بانم عليهم
هههههههههههههه هههههههههههههه
اما بخصوص انفى اصلها طويله باحب احشرها فى كل حاجه علشان تتدارى شويه
وبخصوص المقال دا حقيقى الدنيا هاديه والطقس معتدل ولا كان فى حاجه ولا مسؤل اتحرك من مكانه برغم اننا لو شفنا ام الولد ده اللى ربت وحملت وولدت وسهرت وعمرها بيضيع علشان تكبر وتستنى تشوف ابنها حاجه كويسه قدام عنيها ، هى اه شافت بس على خشبه ملفوف فى حته قماشه بيضا وكان عمرها كله بيمر قدام عينيها غير الاب اللى ماساتخ متقلش عنها
ايه يعنى اصل فى عندنا ناس كتير بالذمه دا كلام ، عارف لو بره فى الدول التانيه اللى مش احنا كانت الدنيا قامت والوزير قدم استقالته وتم استجوابه ماهو المسؤل عن كل كبيره وصغيره داسيدنا عمر رضى الله عنه كان بيخاف احسن حيوان يبقى جعان فى بلاد العرب ويسال عنه يوم القيامه لان كل راعى مسؤل عن رعيته
باقولك ايه قلبت عليه المواجع وانا لما اتوجع مش ها اشوف شغلى
ومش هاانخور هافضل حطه ايدى على خدى واقول البخت ، والحظ زى الهوا اللى كان ساقعه اللى سبب الماساه
سوســــــــــــــه
من لإمارات العربية المتحدة
ابنتى سوسه
المحروسه
انا مش داخل اعلق هنا انا كتبت تعليق فى الرئيسيه بس نسيت اقول الف مبروك لكل مصر بالكاس وعقبال يارب العالمى دمت سعيده وايامك مديده واللى يكرهك يقعد على الحديده جديده عشان تعرفى بس
الفقير لله
العجوز
أضف تعليقا
<<الصفحة الرئيسية
سوسه الدقرمه
طبعا نجيبها كده من البدايه حبه حبه
اول حاجه أهلا بيكي بيننا كواحده تحب النخوره وتحشر انفها باللي ملهاش فيه
ودي صفه جميله اوي هههههههههههههه
اما بخصوص مقالك الجميل اللي قدامي ده
فيا ستي هو مش بس الهوى
لسه في اسباب منقدرش نقولها
الأنبوبه بتاع الهوى اللي في عجلة الطياره كانت بتنفس وفوزي بتاع الأنابيب مش موجود اصلو سارح مع البنت بطه صاحبتو
ههههههههههههههههه
يمكن كلامي مش مفهوم شويه
اصلي بصراحه لما اكون عاوز افهم حاجه
اشرب شيشه
بس المشكله ايه؟
هو صحيح انا وقتها افهم الحاجه
بس ابقى مش فاهم حاجه غيرها
ههههههههههههههههههههههه
سلام يا سنه اولى جيران
هههههههههههههههههههه