اتكلـــــــــــم: الموضوع كبير .. كبير .. كبير

السلام عليكم انا جيت فعلا وحشتوووووووووونى جدا وكنت ناويه ارجع بموضوع جامد زى اللى قبله وقعدت افكر اكتب ايه واعمل ايه يا ترى لحد ما زهقت وقلت اتفرج على التليفزيون شويه يعنى نوع من انواع الاستجمام وانا بقلب فى القنوات عطرت فى قناه عن ستار اكاديمى اكيد معظمكم ان لم يكن كلكم عارفنها انا كنت عارفها من واحده سوسه صاحبتى بس يعنى الموضوع مكنش فى دماغى بس لما اتفرجت عليه حسيت ان فى حاجه غلط يعنى الموضوع كده شكله كبير بنات على أولاد فى اكاديميه واحده قصدىشقه واحده انا مش عارفه انا قلت اقولكم يمكن انا اللى غلط او مش متحضره او زى ما بيقولوا مش مودرن ولا مواكبه للعصر مع انى والله من العصر ومن الظهر كمان لو عايزين ههههههههههههه طب انا عايزه اسأل سؤال هو الفكره اصلا اساسها ايه انهم عايزين يخرجوا مطربين صح يعنى انا لو عايزه ابنى او بنتى يطلعوا علماء احطه فى معمل وأقفل عليه وأقوله لازم تخترع حاجه وتذاكر ومتخرجش لمده سنه او كام شهر يعنى رجلك ما تعتبش الباب غير لما تكون عالم هو دا كلام يعقل ويا ريتهم فى الاكاديميه دى اصواتهم حلوه + انهم مش بيعملوا حاجه طول النهار غير انهم بياكلوا ويضحكوا دا غير الدلع وانا طبعا مش عارفه افسر اصل احنا السوس زى البنى آدمين برده بنتكسف بس انتوا عارفين اكتر حاجه لفتت نظرى هى ايه انهم مش بيصلوا ولا حتى بيركعوها بالعربى كده ومن الاخر

انا فى حاجه كده بتاكلنى وعايزه اقولها وهموت لو ما قولتهاش تفتكروا البرامج دى مين صاحب الفكره العبقريه بتاعتها ، وياترى العيال دى عايشين فى الاكاديميه اللى هى فى لبنان صحيح ذى ما بيقولوا ، طب ازاى والوضع فى لبنان على صفيح ساخن ودول ولا هما هنا ، هما اساسا بيشتركوا ازاى ولا بيقدموا ورقهم ازاى ، ولا هو فى

ايه ؟؟

يا جماعتنا انا قلت اقولكم على الحكايه دى واللى موافق عليها يقول يمكن هو شايف حاجه حلوه احنا مش شايفينها ، واللى مش موافق يقول برده احنا نكره

ادينا بنتكلــــــــــــــــــــــــم

سوســـــــــــه الدقرمـــــــــه