هههههههههههههههههههه

يا اخوانا الحكايه المر ه دي مش سهله

اه ومش عاديه

ومعقده اوي والدنيا مقلوبه وانتو نايمين في العسل

بصوا الحكايه بتخص معمل  او مصنع للبتروكيمياويات في محافظة دمياط في مصر

بصراحه الدنيا مقلوبه والناس عماله تقول في كلام هنا وهناك

في اللي موافق وكتير معترضين

هههههههههههههههههههههههههههههه

ايه الكلام ده يا بو البراديع؟

لا يا اخوانا انا قلت انو قرار بناء المصنع مكانش قرار سياسي عشان نقلو يتم بقرار سياسي وان الريس ربنا يبارك لنا فيه قال ان المصنع مش حيت مالا بموافقة الدمايطه

كلام جميل اهو الدمايطه مش موافقين يا عمنا

اومال ليه الشركه الكنديه لسه شغاله هناك  المهم يا عم انته قلت الكلام قدام الناس في التظاهر هزي ما بيقولوا بتكليف من اجهزة الأمن عشان تهدي الناس وتلبسهم العمه وبعدين غيرت كلامك

وحتى الريس اللي قال ان خوف الدمايطه ملوش مبرر واقعي يا سيدي

وان المشروع كبير ومعرفش ايه وصحيح انو تكلفتو مليار و 400 مليون دولار وحيجيب لمصر زي ما سمعت 600 مليون دولار في السنه

مهو ده برضو سبب يخوف

اومال ليه بقية المحافظات رفضت المشروع ده لما اتعرض عليها ؟!

واللهي انا مش عارف اقولكوا ايه

بس الظاهر انو مفيش حد مهتم بارواح الناس

يللا ليهم رب اسمو الكريم

يا خوانا الناس هنا مقهور هاوي وعماله تتكلم عالقهاوي بكلام كده فيها اللي بيشتم الر000 استغفر الله العظيم

ههههههههههههههههههههههههههه

انا حنقل ليكو بعض من ردود الأفعال ديت بس خذوا بالكو انا كنت بضرب حجر معسل

يعني الكلام لو فيه حاجه  ضد الحكومه او اي حد مهم فيها انا مليش دعوه

في واحد كان قاعد جنبي وبيقول:

أنا مش عارف

حتى المحافظة اللى على مستوى المسئولية والله بتشتغل وتنتج و اقل نسبة بطالة عايزين يدمروها قبل ما يمشوا

مش كفاية مش بيقدموا جديد لا بيخربوا القديم والشعب يتحرق

مش بيهمهم الشعب الله لا يوفقهم

والله أعلم بما انه صاحب الصفقة طلع ليه كام من وراها

الله ينتقم من الحزب الوطنى والحكومة والريس واحمد نظيف صاحب الفكرة

وواحد تاني هناك وهو بيلف سيجاره  رد عليه:

معقولة

الحكومة الحالية بتخرب فى البلد ؟

لمصلحة مين هذا ؟

سم

وهباب ونشادر ...

ورأس البر ها يعملوا فيها ايه ؟

ايه الحكمة ؟

ما المحافظ البرادعى اعترض .. ليه ما بيسمعوش الرأى الاخر

مع ان المشروع مقترح له كذا موضع اخر ..

ها نفهم ..

رد عليه واحد  في الزاويه:

المحافظ قالوا بيستقيل بس يمكن اتضغط عليه عشان يوافق أو يسكت

والله الناس مقهورة

والسيد الرئيس هيبعت نظيف عشان يقنع الشعب المشروع سبحان الله العظيم مش عارف يقنعهم بأيييه بزياده رواتب بحل مشاكل ولا يقنعهم باستلام السرطان بصدر رحب

وبعدين يروح نظيف دمياط يجيبولوا ناس من اللى بتصفق وبتقول موافقة ويمرر المشروع ويصورا موافقة الكلاب على المشروع بتوع الحزن الوطنى ويتم نسيان المشروع

وللاسف الاخبار بتقول انهم بدأ الحفر فعلا بحماية الامن المركزى

وفي واحد تاني قال:

السيد / المحافظ غير أقواله يارجالة ،

لأنه الموضوع مش في أيده مع أنهم فهمونا من زمان أوي أن المحافظ هو حاكم إقليم ( رئيس جمهورية في إقليمه ) بس إتضح أن الموضوع غيركده خالص ،

الموضوع أيه ؟؟؟؟ محدش عارف !!!!!

هل المحافظ غير قادر على إتخاذ قرار ؟؟؟؟

هل السبع وزاء اللى أعطو الموافقة غير قادرين على إتخاذ قرار ؟؟؟؟

هل رئيس الجمهورية غير قادر على إتخاذ قرار ؟؟؟؟

يعنى كل دول بس بقدروا يأخذوا قرارات لذلنا ومرضنا وجهلنا وإنهاء حياتنا !!!!

وواحد وهو بيشرب الشاي :

كده بقى

لازم نفهم ..!

ماهو الداعى لعمل مثل ذلك المصنع مع ان هناك بدائل اخرى ...

ها نفهم ..أكيد

المهندس حسب الله الكفراوى ايه رأيه ؟

عرفنا رفض البرادعى ... ومع هذا تم تهميشه ..

ها نفهم ما تقلقوش

وانا سمعت عن الأخيرده انو هدد بالأضراب  عن الأكل حتى الموت لو اتعمل المهم يا اخوانا

انا الكلام ده طيًر حجر المعسل من نفوخي وسبت القهوه وطلعت

وبقول في نفسي

مش حيكون غير اللي عاوزو ربنا

وربنا احكم الحاكمين

فرج الله قريب

يا اخوانا صدقوني الموضوع مش سهل كان عندي كلام كتير بس شكلي تعبتكم

يللا سلام