كلاكيت اول مره : الفنكــــــــــــــــو ش

سوسيتا جت اهيه
بصراحه ياجماعه ساسانوفا وسوسه تعبوا معايا جامد هما فى النخوره ماشاء الله ، وعمالين يقولوا سوسيتا قريبا وحصريا وحطونى فى مازق هههههههههههه فكرونى بعادل امام فى فيلم الفنكوش لما قعد يعمل اعلانات عن منتج متصنعش ولا يعرف عنه حاجه وكان لازم يقدم اى حاجه فقالهم الفنكوش ههههههههههههههههه انا بقى النهارده هاقدم لكم الفنكوش
..
الله وبعدين بقى نقلب جد شويه كفايه هزار بقى
النهارده نخورتى عن موضوع النظافه ، هاتقولوا ازاى يعنى ؟؟ انا اقولكم لما باطلع بره بيتنا انزل الشارع يعنى اشتريت بسكويت مثلا والغلاف بتاعه عايزه ارميه طب ارميه فين فى الارض طبعا غلط وهاخلى الشكل وحش قوى بلاش دى الزباله ( الرابش يعنى ) ههههههههههه او القمامه بالعربى لما نحب نرميها طبعا الدوله بتدعوا للنظافه ومترموش فى الشارع طب صناديق الزباله فين ياجماعه متلاقيش وان لقيت واحد على بعد قد كده تلاقيه مليان والقطط تلعب استغمايه عليه ( تعرفوا لعبه استغمايه هابقى اشرحها لكم فى مقال تانى ) المهم ليه بقى مفيش صناديق زباله ؟؟ وانا معديه فى يوم لقيت مجموعه صناديق كبيره محطوطه فى مبنى وقفلين عليها ودهنينها ومخليين شكلها جميل قوى قلت يابت ياسوسيتا اسالى كده هما هايحطوهم فى الشوارع ولا ايه لما سالت قالوا لا دول بيتحطوا لما مسؤل ييجى ولما يمشى يتلموا تانى ويتحطوا فى المبنى ده ههههههههههههههههههه
طب بلاش دى، وانا فى يوم مسافره اشتريت كانز ( علبه حاجه ساقعه ) وبعدين شربتها وادور على سله مهملات ارميها ملقتش حطيتها فى شنطه ايدى ولما روحت رميتها فى الصندوق اللى فى المطبخ عندنا وبقت شنطتى هى سله المهملات لما اروح اى مكان ، بيقولوا اصل الناس بتسرق السلات ، ويقولوا الاطفال بتقطعها ، وبيقولوا الحاجات دى مكلفه عشان كده مش بتتحط غير لما ييجى مسؤل وبيقولوا كمان ان ليها ميزانيه بس الاكيله ياااااااااااااااااااامه يعنى اللى بيلهفوا المخصصات دى فى جيبهم
ايه رايكم ياترى المشكله فى ثقافه الشعب ولا فى الحكومه ولا الاتنين مع بعض
على فكره دا حال البلدان العربيه كلها
يارب يكون الفنكوش عجبكم
ههههههههههههههههههه
مع تحيات سوسيتا